| الناس | المقالات | الثقافية | ذكريات | المكتبة | كتّاب الناس |
الخميس 25 / 10 / 2007 زكي رضا كتابات أخرى للكاتب على موقع الناس
عيوب الشرع
زكي رضا
(موقع الناس)
هل علينا ان نخجل من ان تحوي مقالة او موضوعة على كلمة منقطة والتي يفهمها القاريء من انها كلمة نابية . عندما لايخجل الشخص او الجهة التي قيلت بحقه من ذلك فتراه يستمر في غيه واجرامه . وهل من حق الاعلام المقروء رفض نشر مثل هذه المواضيع وخصوصا من ان كتب التراث مليئة بمثلها ؟ .
يقال ان احد التجار المعروفين من مدينة البصرة في نهايات القرن التاسع عشر وبدايات القرن العشرين كان يستشيط غضبا اذا قيلت امامه كلمة (انگري) . وفي يوم وصل الى البصرة الفكه البغدادي المعروف عبدالله الخياط لزيارة بعض اصدقائه من البصريين . ووجد هؤلاء ان الفرصة سانحة امامهم لأغاظة التاجر . ففاتحوا عبد الله الخياط بالأمر قائلين له من انهم يراهنونه بما يشاء اذا استطاع ان يقول كلمة (انگري) مرة واحدة امام التاجر . فقبل الخياط الرهان على ان يقولها ثلاث مرات شرط ان يحصل على مؤونة الشتاء وذلك لضيق ذات يده . وتم الاتفاق وتوجهوا جميعا الى المقهى حيث اعتاد الچلبي الجلوس ودار الحوار التالي .
الجماعة : السلام عليكم .
الچلبي : وعليكم السلام ...... الله بالخير .
الجماعة : الله بالخير اغاتي .
وبعد حديث قصير عن الصحة والاحوال ، خاطب الچلبي الحضور قائلا ... "يابه اشو ما عرفتونه عالاخ". الجماعة : والله چلبي اذا يحب خلي هو ايعرف عن نفسه .
الچلبي : (موجها الحديث الى عبد الله الخياط) عفوا جنابكم منو ومنين .
الخياط : خليها اغاتي على غير مرة .
الچلبي : ليش .
الخياط : لأن حشه گدركم بيها شوية ادب سزلغيه .
الچلبي : شلون يعني ؟
الخياط : والله چلبي ، فتحت عيني عالدنيا واني ابن وحده ساقطه .
الچلبي : يمعود گول غيرها ، وبعدين ......
الخياط : تدري چلبي امي تطلع الصبح وما ترجع الا تالي الليل ، وما شفت نفسي الا واني واحد ساقط .
الچلبي : يمعود صدگ چذب گول شغله غيرها وبعدين .
الخياط : فد يوم واحد ........ يعرف امي شغلني وياه صانع .
الچلبي : هي هاي كمل بله كمل .
الخياط : تدري چلبي خو الواحد ميظل صانع طول عمره . شوية همه مني وشوية توفيق من رب العالمين فتحت بيت .........
الچلبي : دا تشوفون يا جماعه تره صاحبكم حيل خوش وليد !!!!!... كمل بله فدوه لعينك .
الخياط : وهسه ما شاء الله عندي اربع بيوت ...... وصار عندي فلوس وسمعت بالبصره اكو خوش صاغه صبه . وجيت اشتري چم تخم ذهب ومادام اني هنا گلت اشتري فد انگري ، انگريين گول تلث انگريات . عندها قفز الچلبي من مكانه كمن لدغته عقرب قائلا ..." اي لك شگلك اذا بيك كل عيوب الشرع " .
فضحك الحاضرون وافهموا الچلبي حقيقة الامر . من ان المتحدث هو الفكه والصديق عبدالله الخياط البغدادي . سردت اعلاه لاقول لحارث الضاري رئيس هيئة الرفاق المسلمين وهو يتحدث بحرارة الى فضائية الجزيرة على ان تنظيم القاعدة منهم واليهم والى بقية الطائفيين سنة وشيعة من الذين ابتلى بهم العراق وشعب العراق . من الذين يريدون تحويل العراق الى كانتونات طائفية ليحكموا ويسرقوا بإسم عوائلهم المقدسة !! والى من يريد ان يعيد عقارب الساعة الى الوراء والتمهيد لعودة فاشيي البعث والى الافاقين والقتلة والمجرمين وامراء الحرب من قياديي الميليشيات او الذين اصابهم الغرور نتيجة المكاسب التي حققوها متناسين من ان هذه المكاسب ستزول اذا لم يضمنها نظام ديموقراطي حقيقي في بغداد اقول لهؤلاء جميعا من حقكم ان تفعلوا ما تشاءون لأنه وبكل بساطة فيكم ... كل عيوب الشرع٢٥/١٠/٢٠٧ الدنمارك
Since 17/01/05.
web counter
