|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الجمعة  29  / 1 / 2016                                 سامي سلطان                                  كتابات أخرى للكاتب على موقع الناس
		كافي بعد سامي سلطان (موقع الناس)   گلت الوعد !!!! وين الوعد ؟ نمشي ونعد نقرأ الحمد ويه الصمد تبوگ وتعد وتريد من عدنه السند تثرد ثرد تشرب من مي الورد والناس ممروده مرد تلبس حرير من الهند والناس عريانه.. كاتلها البرد أگعد گبالي وخل نعد چم شاب من عدنه انفقد چم مره خالفت الوعد چم مره دمرت البلد عد وأنه أعد كافي يمعود بعد ما ظل صبر حكمك فسد ضيع الوالد والولد ضيع بلد عد وأنه أعد شعندك بعد ممكن ترجعنه الضحايا البلحد كافي درد منين اجيت. . من يا بلد كافي درد من تطلع انته اتعود أيام السعد ونبني البلد نبني البلد يبن البلد ايد وحده للأبد انت تسد واني أسد بيبانه بوجه الحقد احنه اسلاف آشور وأكد كافي نبقى مكبلين وساكتين كافي يخدعنه الوعد گال اجينه محررين طلع چذاب اوغد ايد وحده ما تصفگ خلي ايدك فوگ أيدي واعتمد بعزم كل المخلصين نعيد بنيان البلد نعيد بنيان البلد   2016-01-28
	Since 17/01/05.  web counter