|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الجمعة  12  / 12 / 2014                                 سفيان الخزرجي                                   كتابات أخرى للكاتب على موقع الناس
		جاري السويدي سفيان الخزرجي جاري السويدي «رولف» طيب القلب، بس اسئلته ما تخلص، وليش هو يدعوني لبيتهم نشرب گهوة ونسولف؟ يوگفني بهالبرد ويريد اشرحله كلشي.. اليوم سألني، گال مو انتو العراقيين چنتوا تريدون تتخلصون من صدام؟ گتله اي گال لعد شكو بعدكم تتحاربون؟ گتلة هاي مشكلة صار الها 1400 سنة، وهسه راح انحلها گال يعني 1400 سنة ما حليتوها وهسه راح تحلوها شلون؟ گتلة قبل 1400 سنة ما جانت امريكا موجودة ولا الامم المتحدة ولا منظمة حقوق الانسان حتى تساعدنا على حلها وهسه الجماعة تدخلوا وراح نحل المشكلة. ليش اكتفى بجوابي؟ سألني وهي شنو المشكلة اللي ما حليتوها صار الكم 1400 سنة؟ گلت لنفسي، اوه تعال هذا شلون افهمه گتله قبل 1400 سنة مات نبينا محمد وراد یصیرعلي ابن عمه خليفة بعده بس الجماعة تآمروا واخذوا الخلافة. ولان امريكا ما تحب المؤامرات ولا سلب الحكم بالقوة فانها اعادت الحق لاصحابه في العراق، بس داعش والمتآمرين ما يريدون وعلگت الحروب من جدة وجديد. شكرني وراح بس كون عاد ما يرجع يسألني مرة اخرى.
	Since 17/01/05.  web counter