|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الثلاثاء  29  / 12 / 2015                                ناصر الثعالبي                               كتابات أخرى للكاتب على موقع الناس
		وداع ناصر الثعالبي (موقع الناس) ها انتِ تتأهبين لملاقاة الغروب ايتها الأميرة   لا تكولي روح وتودعيني والله متعوده عليج اعيوني حتى طيفج من يجي وانه ابصحو اغار من تطبك عليه اجفوني لا تكولي روح ما يسوا العمر انا بيامج اعد اسنيني صحى جرحي من لمس جرح الفجر اونامت ابراسي جنون اظنوني وين نتلاكه ؟ شفت جف الوكت فوك عيني ايلوًح اوينعيني لا تكولي انتظر ما عندي وكت شايل اجروحي ابصمت تدريني العشك يا خذني ونا بليه عشك شوكي يكفي الناس ما يكفيني من يحط جنح الندى فوك الزلف انا كطره ويه الزلف تلكيني لا تكولي روح ما توسع الكاع لو نسيتي معاتبي وتنسيني خاف ياخذني افراكج للكبر اتعارك ويه الموت من يلفيني ادري كربت روحتج يم المزار الجان بيام العشك يرويني وانا الوي الدهر لو مره لواج وادري دهري ابد ما يلوني امودعه الله لو يشط بينا المزار اخذي ذمتي وياج لا تبريني
	Since 17/01/05.  web counter