|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
 

     
 

الخميس   10  / 1 / 2019                                ناصر الثعالبي                               كتابات أخرى للكاتب على موقع الناس

 
 



سؤال

ناصر الثعالبي
(موقع الناس)


سولف لي ..
شلون الناس تكبر
والزمان ايشيخ!!

سولف لي
على غيمه زغيره
اتبوك صحوة صيف !!
على الدنيا الترادت
بالصحو والطيف

سولف لي
على خشرم زلم
من كيفت بالكيف
نسيانين عزتك يا نفل يا حيف !
يا دم اليعارك سيف
يا ركبة اكحيله التعبت خيال
جفك ما لواه الجوع
ولا ضحكت اسنونك من تلاكي ارغيف
ولو طشت الغربه اعضاك
وانت اتصيح
يعضاي التمو هذا آنه
مجروح ايضمد بردانه
وتغيب الناس..

سولف لي
(شسولف لك
ونه الماضاك عمري اوياك سالوفه)
وشك ازياك روحي ابمحنتك
بسكوت
وخاف اتشوفني روحي
جفن للموت
 

 

 Since 17/01/05. 
free web counter
web counter