| الناس | المقالات | الثقافية | ذكريات | المكتبة | كتّاب الناس |
الخميس 12 / 2 / 2009 محمد المنصور كتابات أخرى للكاتب على موقع الناس
علي
محمد المنصور
(موقع الناس)إلى الصديق الشهيد علي كاظم الأطرش
عند َ الغروب ِ دخلت ْ القرية َ سيارة ٌ عسكرية ٌ .. تفاوض َ القتلة ُ مع أهل ِ علي .. ثلاثين َ رصاصة ً كان ثمن ُ الخلود ِ
علي عِزنه ..
علي ..
صوباط أهلنه إلِما تهزه الريح
علي .. لو صاح ..
دواوين السلف كلها تصيح
وعلي .. لو طاح ..
نواميس الشرف كلها تطيح
***
علي ..
من ساعة التكوين
حلم چبير ..
فوگ الفوگ
مثل سعفة نخل گلبه
بهوى لمن يهزه الشوگ
ولون يگبل ..
إله هيبه
والهيبه إلشبابه تلوگ
***
علي ..
ما صاحب الخاين
ولا خاوه الردي مره
ولا وطى العدو راسه
ولا أفشى النذل سره
تاج أصحابه فوگ الراس
وعلي بنصهم ألدره
***
أنثرت شيبي ..
على سنينه
دمعه تگطر بدمعه
ولميته إبجايه الروح
وگعه تسند الوگعه
شأگولن ..
أنه للشمات
شأگول إلناسه وإلربعه
***
بارود الكحل بالعين
رگص لرموش چوبيه
طفت ضويات إلولايه
وشموع ألسلف عاريه
وضحچات الشماته سموم
تگطع الچبده والريه
***
علي ..
ما مات .. علي نايم
نايم .. لا تصحنه
ما هو دم على صدره
تِحَنه ..
وساحت الحِنه
علي عريس ..
والليله بوسط أهله أزفنه.