| الناس | المقالات | الثقافية | ذكريات | المكتبة | كتّاب الناس |
الجمعة 5 / 2 / 2016 ميسون نعيم الرومي كتابات أخرى للكاتبة على موقع الناس
الى ســـنـجـار
ميسون نعيم الرّومي
(موقع الناس)
باعوا بناتك كوم يعراقي انهض
ابلحمك صرخ ما زاد ضلعك هالنرَض
***
هدوا على الحرات فجـّـروا دمهه
صوت اصرخت سنجار محد سمعهه
***
هم الحكومه اليوم تنهب بلدنه
يا شعب انهض گوم انقذ ولدنه
***
بادوا شعب يا ناس هالعالم اغبر
گالوا يزيدي هاذ جنسيته اسمر
****
محد نصرهم ليش رايد أنه اسأل
نايب جليل انصاف بالشينه يقبل
***
دين الجديد اليوم من جوَّه لحزام
هجرت بلدهه اطفال ماتت بلخيام
***
ابنية العراق اتصيح تطلب حمايه
نايب سمعهه اوراح والغايه غايه
***
ارضچ مزار ايصير يا بلد سنجار
أحمر ورد بالگاع من دم الاحرار
***
زينوا الشوارب هاي بعتوا وطنه
انغصبن بنات آلاف عطب چبدنه
***
رمز البطوله اليوم يالناديه انتِ
ابظلم النساء اليوم رايه رفعتي
***
ـ (نوبل) فرح هاليوم رمزه يمنـحچ
قدوة نــساء الكون شـهدت دمعتـچ
4 شباط / 2016
ســــــــــتوكهولم
Since 17/01/05.
web counter
