|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الخميس  26  / 5 / 2016                                 ميسون نعيم الرومي                                  كتابات أخرى للكاتبة على موقع الناس
		أعـَـزّي ؟ لا... ميسون نعيم الرّومي (موقع الناس) أعـَـزّي ؟ لا .. مـاعـَـزّي الـشـهـيـد الـيـوم لأن حـَـي الـشـَـهـيـد اويـشـهـَـد الـحـَـسـْـنـيـن جـيـت آنـَـه أعـَـزّي! بـالـشـَـهـيـد الـيـوم أمـَّـك يـالـشـَـهـيـد اوكـل هـَـلـي الـطـَـيـبـيـن گـالـَـوْ أربـَـعـَـه ذبـحـَـتـهـم (الخـَـضراء) (1) نـعـرف فـَـد إسـم .. نـسـأل عـلى الـبـاقـيـن ؟ (يـحـسـيـن الـحـُـسـَـيـنـي) چـَـم بـَـطـَـل كـتـلـوه ؟ (2) دَمـْـهـم هـالـجـرَه وامـشـابـِگ الـنـَـهـريـن يـا عـمـر الـوَرد يـادَمـكـم الـمـَـهـدور احـكـومـَـة هـالدجـَـل زَفـَـتــّـهـم اوللـبـيـن گـَـعـْـدَوا عَ الـگـَـلـب .. كـابـوس چـَـن اجـبـال يـا ضيـم الـعـراق امـعـَـشـعـشـيـن .. اسـنـيـن ابـكـل بـيـت إنـّـتـِـصَب مـأتـَـم عـَـزاء الـيـوم و(اعـبـادي) الـحـزب .. بـالـخـَـضرَه وامـعـَـيـديـن (3) ذبـحـَـو بـالـشـَـبـاب الـرادَت الإصلاح حـكـّـام الـصِدَف .. سـرّاق مـتـجـَـمـعـيـن تـصـْـفـگ بـالأيـادي .. امـهـات الـگـاع (4) چـَـمـدوب الـنـَـعـاوي .. اوهـالـتـصب الـعـيـن چـَـمـدوب دوب الـلـعـب تـلـعـَـب اوبـيـنـَـه احـزاب تـبـيـع اوتـشـتـري والـوَطـَـن مـَـدري الـوْيـن أمـَّـك بـالـعـِـراق انـفـجـعـَـت أسـأل لـيـش؟ گـَـصَّت بـالـشـَـعـَـر .. والـراس فـوگـَـه الـطـيـن يـاجـوع اومـَـرَض وادمـانـَـه مـَـسـفـوحـات والـنـوب الـخـَـطـَـر بـالـمـاي غـَـرْگـانـيـن (5) يـاشـَـعـب الـعـراق اولـيـش صايـر ليـش؟ مـَـشـروع اوقـَـتـل بـيـديـن ذبـّـاحـيـن ! مـَـحـمـومـيـن أعـَـزّي ؟ لا .. مـا عـَـزّي الـشـهـيـد الـيـوم لأن حـَـي الـشـَـهـيـد اويـشـهـَـد الـحـَـسـْـنـيـن   (1) گـالـَـوْ أربـَـعـَـه : حسب الأخبار المتداولة ان عدد الشهداء الذين قتلهم ارهابيي المنطقة الخضراء كان اربعة شهداء عرفنا اسم احدهم وباقي الأسماء لم تنشر لحد الآن (2) (حـسـيـن الـحـُـسـَـيـنـي) : الشهيد اللشاب ابن الرابعة والعشرين ربيعا الذي قتله ازلام المنطقة الخضراء بقنبلة اصابته في الرأس (3) و(اعـبـادي) الـحـزب : حيدر العبادي وحزبه حزب الدعوة (4) تـصـْـفـگ بـالأيـادي :  مثل عراقي يدل على خسارة كل شيء (يصفگ ايده بالگاع) (5) والـنـوب الـخـَـطـَـر :  سد الموصل وخطر انهياره المنتظر   26 / آيار / 2016 ســــــــتوكهولم
	Since 17/01/05.  web counter