| الناس | المقالات | الثقافية | ذكريات | المكتبة | كتّاب الناس |
الأربعاء 13 / 9 / 2017 ميسون نعيم الرومي كتابات أخرى للكاتبة على موقع الناس
وجهـك بگايـه العمر
ميسون نعيم الرّومي
(موقع الناس)
يـوجـَعـني هـِـدم العـَـلي – يالإنـت مالك تالي
يالزلفـَـك الماس اوذهـب – وابـمـَـشـيتك متغاوي
اعـزف عـلى الگـذلـَه لحـن
يالتـسحن ابگـَـلبي سـَـحـن
مانابـني غـيـر الحـزن
بعيـونـك الحلوه بـَحـر – وانـت اطلعت كـَـتــّالي
يـوجـَعـني هـِـدم العـَـلي
يالإنـت مالك تالي
***
يـوجـَعـني هـِـدم العـَـلي - ماظلِ عندي اعيون
دولبني حـبـَّـك ذبـت – مديون دومك مديـون
وجهـك بگايـه العمر
واسنين تعبهه السفـَر
واعـتاب وادموع اشكثر..
يالبيك أنـَه مسكون – متعلي نجمك عالي
وانـت العزيز الغالي
يالإنـت مالك تـالي
***
يـوجـَعـني هـِـدم العـَـلي – واتعـَـثــَّر ابممشاي
بشليلي المـَّن دمع - يسمر سـبـَـب بـلواي
بالدنـّـيه كبـرَت بـلوتي
بـعـيـونـَـك .. طـِفـَـت دنيتي
يالانـت ســولـَة سـَـكـتـتي
يامـزنـَه تاهت جـزت – لا اول اولا تالي
يالإنـت مالك تالي
يالإنـت مالك تالي
أيلول / 2017
ســــــــــــــــــتوكهولم