كتابات أخرى للكاتب على موقع الناس

 

الأحد 25/3/ 2012

دارميّات قبل ألقمه.. مع صديقي كفاح السنجاري ... (2) موسى فرج آنا ها الأيام مشغول بحوار على صفحات صحيفة وموقع مؤسسة المثقف وجاي أتابع ما تكتبون .. بس خطف .. وقبل يومين قرأت لك مقال حواري : عيني أبو عمار .. آنا ما علقت يم المقال مالتك بالحوار المتمدن.. وردت اعلق أهناه حتى الحجي يبقى أبيناتنا .. أشلون أتكول عمر كوردستان 2000 سنه وعمر العراق 90 سنه .؟ يعني هسا عمر مصر 60 سنه تبدأ من مغادرة فاروق ..؟ لعد وخوفو وخفرع ..؟ زين الجنائن المعلقه .. من أشوكت سووها ..؟ وألمن سووها ..؟ مو علمود أبنيتكم ..؟ هسا اعترفوا ببنيتكم عاد.. بالله أبنينا .. ملازم .. أله الله .. تمام ..؟... * كفاح سنجاري : الأخ الكريم والغالي موسى فرج ، شكرا كثيرا لمداخلاتكم التي اعتز بها سواء اتفقنا أو اختلفنا، وتأكد أننا في نقاط الارتكاز معا مهما اختلفت زوايا النظر لدى كل منا، وعليه أرى في المداخلة الثانية فقط سأطبع لك السؤال وجوابي حول موضوع الـ 2000 سنة واليك النص : * ولكن كوردستان جزء من العراق منذ 4000 سنة.. - لا أبدا.. هذا الذي تتحدث عنه خرافة ، كوردستان هي كوردستان منذ الأزل، والعراق كدولة عمرها لا يزيد عن 90 سنة، وضمت كوردستان إليها بخباثة الاستعمار، عمرنا لم نكن جزء من هكذا كيان إلا بعد سايكس بيكو.. * موسى فرج : زين .. أبنيتكم .. اللي سوا ألها أبنينا الجنائن المعلقه .. أبنينا جان شغله ملك ..؟ لو جرخجي ..؟ وإذا ملك غير ملك على دوله .. لو ملك البيتزا...؟.. * كفاح السنجاري : أي أي تمام ما مختلفين بس حدوده ذيج هيه أبدا ما وصلت ديارنا، وان وصلنا شي من رائحتها صدك أخي الكريم كانت روائح حرب لا أكثر.. * كفاح السنجاري : ولا تنسى أخوية موسى ترى مو كل شي بالبنايات ترى احنه صنعنا الغذاء في الوقت أليّ كان غيرنا بس يدور ويبحث ويصيد، بس احنه زرعنه.. * موسى فرج : أولا .. ما من عداوه إلا وبعدها صداقه .. ثانيا : أي أحنا جماعتنا يأكلون طازج وأنتم سويتوا الباسطرمه.. * كفاح السنجاري : هههههههههههه تمام بس لا تنسى الزلاطة والجاجيك.. * موسى فرج : جماعتنا إيمانهم أكثر ميحتاجون الأشياء التي يلزمها الجاجيك.. . * كفاح السنجاري : أي أي تمام والدليل الولو ههههههههههههه.. * أحد الأصدقاء المتداخلين : ده ست خوش .. * موسى فرج : في نادي الموظفين في هاولير كانت أيام رائعه مع كاك دلشاد وكاك احمد وكاسترو أبو 8 سنوات يبيع زرازير مسلوكه بدرهم وأحلى ما بيها هو أننا كنا مصطفين ضد الحكام .. هسا أشرايكم ..؟ أنعوف مذاهبنا ونجيكم .. موافقين بس انتم همين عوفوا قومياتكم .. مو أحنا أنعوف وانتم ما تعوفون .. * كفاح السنجاري : هههههههههههههه بس تعالوا وما لكم شغل .. * موسى فرج : خلي تخلص القمه .. ونشوف على يا مذهب نصفى .. ونجي .. وصلتني اشاره .. تقول أن بين السيدين المالكي والبرزاني أيضا دارميّات .. سارعت دون أن استأذن من صديقي كفاح باعتبار أن دارميّات الجماعه فوق الميول والاتجاهات .. مو مثل دارميّاتنا حيا الله أثنين من الأوساط الشعبيه.. وجدت آخر دارمي بينهما مفاده الآتي : البرزاني : كاك أبو إسراء .. أنريد نشكل وفد من الكتل الكبيرة في مجلس النواب يشارك في اجتماعات القمه .. المالكي : لا خويه شنو كتل ..؟ شنو كبيرة ..؟ هذا مؤتمر القمه مخصص للحكومات مو للنواب المالكي : لياسين مجيد : أمصّدك بالله كاكا مسعود ..؟ آنا رئاسة الحكومه من أخذتها حالف بعد ما أنطيها .. أنوب منصب عميد الحكام العرب لمدة سنه كامله .. أفرط بيه .. لا والكاظم ... ياسين مجيد : حجي .. مو أخاف يسوون استفتاء بكردستان .. وينفصلون ..؟. المالكي : لياسين مجيد : عبر نوروز.. يعني لنوروز الجاي .. لأن هم كالوا بنوروز.. بعدين ما تخل ينفصلون يمعود .. أصلا مناه لكربلا الخيال 7 أيام يا الله يكطعها زكزاك بين الكتل ساعه كونكريتيه وساعه برلمانيه .. العراق جبير .. على الأقل نخلص من المام .. المام الرئيس : كاك أبو أسراء : يرحم أهلك .. هاي أشلون مشكله .. هسا آني من رحت للسعوديه للعمرة الملك عبدالله لبسني كلاده كله ليرات ذهب عثماني أخذتها أم الولد .. هسا من شالوا تخصيصات المنافع الاجتماعية بالله أشننطيهم هذولا ..؟ والله حاير أشلبسهم.. المالكي : ولا يهمك فخامة الرئيس .. فلوس هوايه .. بس كود الشغله اللي أبالك عليها .. المام الرئيس : طبعا ..كاكا.. أنتم مو اتكولون : دافنينه سوا .. لا كهربا لا غاز وفراشه بردي .. فوك القهر والضيم ريسنا كردي .. أي هاي خوش نشيد وطني .. ناجح لأن من زرت العراقيين المغتربين برا وقرأته لهم صفكوا هوايه ...   دارميّات .. مع كفاح السنجري ... (1)