د. مؤيد عبدالستار

السبت 14 / 7 / 2018 د. مؤيد عبد الستار كتابات أخرى للكاتب على موقع الناس


	جاسمية تحتفل بالعيد على عناد ابو جاسم د. مؤيد عبد الستار (موقع الناس) مشهد تمثيلي * ايباه .. شنو هالعزيمة .. المن .. كعك وشربت زعفران ! - اتغشم نفسك ابو جويسم .. ما تدري كل سنة اعزم بنات السلف بهيجي يوم * لا والله ما ادري .. انشاء الله عيد زواجنا - هاي فوكاها ... ليش عيد زواجنا ينرادله شربت زعفران ! اول شي رجع صندوك العرس الفرهدته وي الانتخابات حتى بعدين نتحاسب. * يعني قابل عيد ميلادي يرحم والديج ! - لا عيد زواجنا ولا عيد ميلادك ... عيد ميلاد الستين * بويه يا ستين .. انا بعد ما صرت اربعين سنة ، شنو القصة - ابو جويسم .. عيد ميلاد الجمهورية الستين * ها .. هاي هيه .. والله تستاهل .. ليش لا . - ما طول تستاهل، دروح اشترينه شوية ملبس لان بنات السلف بعد ساعة يلتمن * بس بروح ابوج جاسمية .. ما كلتيلي .. ها الصحون والاستكانات الجدد منين - ما تذكرهن .. الصحون مال يدتي اللي ضامتهن من وكت الزعيم، ما تشوف صورته على الصحن جنه كَمر . اكول .. بس انتي شخاش بـجـيـسج من هالعزيمة والهوسة ، انت والجمهورية كجا مرحبه . - شلون انه والجمهورية كجا مرحبة ، مو عمتي جانت مسؤولة الرابطة وعلمتنا قرايه وكتابه ، وابوي حصل على كاع من الاصلاح الزراعي . شبقه منها .. كلها راحت ، شحصلنه ! - اي اتذكر ابوي جان دوم يكول : الجمهورية خلـتـنه نحـس إحـنـه اوادم ، اي والله صدك .خلصنا من الظلم وصار عدنه بويت بي ماي وكهرباء . * والله انا ما شفت خير الا بزمان الفرهود . - اي .. حقك ، ليش ما تكول بزمان الحواسم ، ماطول شريكك مجلوب السلف ،شلون ما تشوف خير . اكلك صدك جويسم شوكت تجيب النعال التسكام اللي وعدك بيك مجلوب. * انتي ما تجوزين ، بويه بطلنه ما نريد نعل ، حتى الانتخابات صارت هيونطه وراح يضيع الخيط والعصفور . - جا ما طول هيج .. دروح جيب الملبس ...وخل نغني للجمهورية ... لا بد ما يجي العيد .

موقع الناس .. موقع لكل العراقيين / ديمقراطي .. تقدمي .. علماني

Since 17/01/05.

web counter