|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الجمعة  9  / 9  / 2016                                   كامل الركابي                        كتابات أخرى للكاتب على موقع الناس
		الفداء كامل الركابي (موقع الناس) الفداء يوم العرس يوم العيد يوم الفَتَح يوم الفرح بالمولود نذبح نطرد الحاسد ذبيحه يوم الحزن يوم الموت عاشوراء نذبح نفتدي الخالد ذبيحه يوم الفرح فرحتنه ذبيحه يوم الحزن سلوتنه ذبيحة فرحانين حزنانين ذبّاحين احنه وصرنا مذبوحين فدوه وبينه تتسلّه السچاچين الخناجر والسيوف وخطبة المُلّا عليمن هالزعل كله؟ الرباط النهر فاض وصعد منسوب ماي البيت للرگبه وصرنا نروح للسوگ بمشاحيف النهر فاض السمچ غطّه الشوايخ يلصف من ابعيد صرنه انصيد مزيونه بمجاذيف النهر فاض وحمد للّه دنيّتنه بعد صيف ! تحولات صار لون الشعر فضي صار لون العين اقرب للرماد جمرة الروح انطفت والمفاصل تسري بيهن رعشة هي اتلّف جسمها من البراد الأصابع تنكمش ع الحرف مرة وترتعش مرات وتصّر وبعناد تكتب اسمك خاف فعلا ينمحي من الذاكره المعطوبه ويّعمْ السواد صفحة الروح ويظل يشطب اسماء وريت بس اسماء يشطب يشطب الخارطه والتعريف بالمعنى : بلاد !
	Since 17/01/05.  web counter