|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأحد  7  / 9  / 2014                                   كامل الركابي                        كتابات أخرى للكاتب على موقع الناس
		قصايد من نفس المكان كامل الركابي فصول بالخريف الروح غابة وانت لوني بالشته ثلجك غمرني وروحي جمره الصيف خلي الضيف نايم وسط گمره بالربيع الحب مثل خايف عبر راكض سريع ! بالفصول شاكثر من: اشتاق موت الشوفتك يا عيني اگول ؟ نسيان نسيت الجمره بچفوفي ومشيت نسيت الخوف بعيوني ومشيت نسيت النار بثيابي ومشيت نسيت الريح بشراعي ومشيت انت ناسي انا ماگد منسي منك هم نسيت الجمره والخوف ونسيت النار والريح ونسيت اشبعد ؟ ذگّرني شنسيت؟ ولادة المد ياخذ روحي خضره عله السواجي طايفه عله الماي سعفه بالجزر ينحسر مد الماي ويْ غيبة گمر ويروح لله السعفه تثبت على ضفّه من السواجي من النسغ تنولد نخلة ! متاهة النهر جرفين بس نهرك متاهه من كثر ما بي جروف العمر لونين لون البيت الاول اخضر ونخلة على بابه ولون لون الغربه اصفر من عذابه تبتعد بيك المسافه وتحلم بعهد الصبابه: ترتع بروحك غزال وانت غابه ! تمادي دارت بيك دورات المكان تغيّرت ع الروح وجوه انزوت خلف الباب وجوه تظل عمر ع البال مثل كتاب وتماديت بالغربه من بستان بستان النخل للغاب!
	Since 17/01/05.  web counter