|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الخميس  6  / 11  / 2014                                   كامل الركابي                        كتابات أخرى للكاتب على موقع الناس
		اكتشافات كامل الركابي يا الهي الغابة هاي شگد جميلة شكد رهيفة ليش ما بيها بشر يمشون مثلي؟ وانه وحدي امشي درب الغابة وحدي بروحه يفرشلي الطريق ورق بيه الوان طيف ساحر وناعم رقيق والله بعد شويه من بْعيد لمحة وخطف ارنب شبه مذعور بقلق جسمي تكهرب بعد شويه لا والله شفت ثعلب بعيد اللون بعيونه مثل كسرة زجاجه الضوه عاكسها على عْيوني لهب جمره نقل بيها احتجاجه گلت هذا السبب مابيها بشر يمشون مثلي مو مهم ثعلب بلاية قطيع ما يفك رجل الدجاجه آه يويلي من شفت حيّه تموج الطول چن مترين چن عدها زعانف حية ممتدة رمادية بحراشف هسة لا ما كذّبت لو گلت خايف ورجفت رديت عارف ليش ما بيها بشر يمشون مثلي وگلت ما التفت بس اعيوني لمحت من بعيد دب ضخم عل مجره واگف گلت محد شافني أنفذ بجلدي يا نبض گلبي ْبهداوة صرت أسرع من خطوتي من وصلت الشارع اتحسست راسي ردت اگولن بالسلامة بصوتي متگطعة أنفاسي ثاني يوم الصبح من غبشه انتخيت جبت صحباني وجيت الغابة هي الغابة وانه ما جبتلها طاري ولا على خوفي حچيت والدرب نفس الدرب نفسه اعتنيت صاحوا بصوت الشجون يا الهي الغابة هاي شگد جميلة شگد رهيفه گلت وي نفسي بعد ما بانت الصورة المخيفة مشينا ابعد من مكان البارحة، وگلبي فضحني گلبي يخذف من رجيفه يا حبايب لا تكذبون اكتشافاتي السخيفة: الحيّة طلعت جذع شجرة ميته متوسدة التراب الارنب على التلّة صخرة الدب جذع محروگ اسود طالعه من اجتافه صخرة الثعلب .......
	Since 17/01/05.  web counter