|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الخميس  4  / 5 / 2017                                   كامل الركابي                        كتابات أخرى للكاتب على موقع الناس
		قصايد اخيرة كامل الركابي (موقع الناس) تماثل مألوف هذا الوجه يشبه وجه مألوف الي من زمن ، معروف من مشيته من لفتته من الخفوت اليمر بالصوت من بحّته بس لا هذا مو هوّ تشابه حاد مو هوّ وجه غيره من القميص الذي بالصيف طول الردن يخفي وشم طيره ! نوح مفترقين صرنه اثنين وتفرّدَت بينه الغربه نُوحك مبحر وي الماي عكس الماي مبحر بالغُرب نُوحي متوحدين چنه اثنين مثل خمره عتيقه ابكاس روحك تمتلي بروحي ! اللهفة بارد ؟ لا بعد تلمع بعينك لهفه معهوده صدگ صاير نحيف انت مثل عوده لكن بالشبگه باروده ! الغياب الاغاني اللي يشع منها جمالك ضحكة العين بدلالك خفّة الدم بوصالك كيفْ يتحمّل خيالك وهج كل هاي الحراره بلحظه يبرد وتختفي كلها وتغيب ابثقب اسود ! المشتهى روحي لو بس نخله وحده وبيها تمره مثلِك انتي تشتهيها مثل واحد كل شي ماضايگ بعمره! جوع ! بالقطار الرايح من البصرة صوب الناصرية يصعد بنص الدرب من يامحطة ؟ واحد اسمر طوله مترين وضخم يصرخ بوجه المسافر وبغضب : انطيني درهم عمي جوعان ! ببغاء لاتردّد ببغاء: الله كريم الله كريم ياإله المعرفه انجنيت من شفتك غشيم !
	Since 17/01/05.  web counter