|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأربعاء  4 / 9 / 2013                                   كامل الركابي                        كتابات أخرى للكاتب على موقع الناس
		بورتريتات ستار عناد وجوه أنصاريه كامل الركابي الوجوه السومريه بعد بيها الهور فايض بالعيون الوجوه البابليه غافيه ابحضن الفنون والوجوه الماضغه عشبة جنون والوجوه البعد ماعدها سنون والوجوه ام الغضون والوجوه الطافره منها العيون والوجوه الناحله عود ابشجر والوجوه الهاديه هدوة فخاتي من سفر الوجوه البعد مامض بيها ظيم ولاقهر والوجوه البعد ماظل بيها قوس ولاوتر والوجوه المستطيله والوجوه الباسمه الترفه النحيله الوجوه العابسه ابنكته جميله والوجوه الشارده ابطبع المهمه المستحيله الوجوه البيها نيشان التعب عابر الهامه والوجوه البيها جرحين وعلامه الوجوه المستظامه الوجوه الشاعره الوجوه النافره الوجوه العابره حدود الخيال والوجوه الساخنه من الانفعال والوجوه المنتشر بيها الظلال والوجوه بلايه لون أحلى لأن هيّ الجمال الوجوه التنطبع بالذاكرة وتبقى مضيئه والوجوه التنّسي ابرجفة دقيقه الوجوه البيها طبعين التسامح والوجوه الغامضه ابليه ملامح الوجوه حتى لوتبدو بتنوعها غريبه تبقى لآخر نفس من روحي حبيبه الوجوه اضيوف فنّه الوجوه احنه وزمنّه !
	Since 17/01/05.  web counter