|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الجمعة 30/10/ 2009                                                           كامل الركابي                                          كتابات أخرى للكاتب على موقع الناس
		المهر كامل الركابي المهر نايم ع الرصيف واحنه لاصحره ولاعدنه مضيف *** المهر مجروح ورسم ظله النزيف يكبر الظل والجرح جمرة رغيف ! *** المهر موسوم ابسفر بين الرموش وغبشه وي خيط السحور مدري وين اوين راحل بيها كل هاي النعوش ! *** المهر مخطوف الوجه شاحب نحيل مدري هو البصرة مسكونة بعطش مدري النخيل ؟ *** المهر فاحم بالسواد جمر طافي ومشتعل تحت الرماد ! *** المهر غامض عينه شاعر بالنعاس لو ينام وبالشفايف طعم آخر كطرة من آخر الكاس *** المهر متشرد ابظل روحه وحيد من علي ابراهيم غادر للبعيد بعد منهو يغني ويانه النشيد ! *** المهر غاير بالسكون راح تخلى وما بعد ترحل ضعون !
	Since 17/01/05.  web counter