|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الجمعة 25/8/ 2006                                                           كامل الركابي                                          كتابات أخرى للكاتب على موقع الناس
		الحب المستحيل كامل الركابي * ﮔﺎل : ماعندي رصيف امشي عليه ﮔلت : ماشايف شوارع ! * ﮔﺎل :هذا البيت موبيتي كأن بابه غريب ﮔلت ساخر : حتى لوهو البيت بيتك شلك بيه؟ لا أثر منك ابروحه ولا حبيب ! * ولو حبك مستحيل لكن الحب هوّ هذا الحب غمامه وأبد ماتروي غليل ! * مره اشوفك وردي فاتح ضي قرنفل حس بنفسج أرجوان نابت بدرب الترافه ومزدهر رقّه وحنان ومره اشوفك زعفران ! * ياصديقي مرت اتلاثين عام واحنه مدفونين بالغربه واﮔول : البصره هيّ البصره ما متغيّره بس ملحه.. وغبار يالله نمشي الليله نسكر من بعد طول انتظار ﮔﺎل: أول ﻨﻠﮔﻪ بار ! 25/08/2006
	Since 17/01/05.  web counter