|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأربعاء  24  / 9  / 2014                                   كامل الركابي                        كتابات أخرى للكاتب على موقع الناس
		الجسر الاحمر كامل الركابي الجسر الاحمر هوّ اسمه الجسر الاحمر مو شيوعي هوّ اسمه الجسر الاحمر من زمن مصبوغ احمر معبر الساعي الفقيرة للطويسه الجسر الاحمر من الصرايف للبيوت المنبنيه من طابوگ خطوة الجسر الاحمر الصرايف من يشب بيها الحريق نلوذ واحنه اطفال ببيوت الطويسه نعبر بخوف ورجيف الجسر الاحمر انا رحت البصره مره شفته عادي ولونه بعده صادي بس هم باقي احمر همس ليّ: من كثر ماعذبوني اعترفت الهم شيوعي وانا ما مدموغ بس مصبوغ احمر ! اعمال حرة بايع الصابون غار بصيف حار والشمس تصگع وتسبّب رعاف وبايع ابجية المدارس قلم جاف بايع جواريب من ايران صوف وبالصفاه واگف وترفع من مشد الراس رجلين الخروف بايع الصابون من تدخل البار بصوت عالي تصيح غار المعمدان وتهمس بأذن المدخن والسكارى: روثمان !
	Since 17/01/05.  web counter