|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
 

     
 

 الأثنين  19  / 5  / 2014                                   كامل الركابي                        كتابات أخرى للكاتب على موقع الناس

 
 

 

العيون

كامل الركابي

مره أشوف عيونك الحلوات
خضره
تفيض بالحب والحنان
مره اشوف عيونك الحلوات
زرگه
نرجسيه
بيها مابيها أمان
مرة أشوف عيونك الحلوات
تنگط عسل
تضحك للحياة
ومره شهله الوان بيها
شمس ترسمها بصفات
مره فيروزيه بحري
موجه تحضن موجه
والرمشين
ضحكة سنبله
مره
مختلفات
عين زرگه وعين خضره
فاتنات
وذايبات من الحلى
مره بُنيه تريح
مثل رشفة گهوه
من صبحيه بيها الهيل
مهظوم ومريح
مره مثل الغيمه
سوده
ورماديه
السوده تمطر
حتى تكشف للشمس
مبسم جديد
والرماديه
قساوتها وصلابتها حديد
وهاي صار اسنين
دايخ بالملامح
والسمات
هو آنه ألما أشوف
وراسي متبخر بْقات ؟
- لا عزيزي
عدسات !


 

 

 Since 17/01/05. 
free web counter
web counter