|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأثنين  12  / 5  / 2014                                   كامل الركابي                        كتابات أخرى للكاتب على موقع الناس
		المشهد العاري كامل الركابي حذاري تْصير مشحوفين مشحوف بْهداوه يْسير وي جاري ومشحوف بْمحبه وليل وبهور العذاب يْفوج حدّاري تختار انت يامشحوف؟ حط مشهد الموج وشوف اسراري شمع روح العسل خيط انگطع من بوح اوتاري اغانيالماي تسهر والنواطير ينامون بتوالي المشهد العاري سعف مسگوف روحي تْصير وبعودان حبك تشتعل ناري انت الماشي وي جاري وانت بعكس وجه الريح وجه الماي ماخذ عمري حدّاري ! مواعيد الموعد الاول نسيتك وانتَ ناسي دخت انتَ وداخ راسي الموعد الثاني نسيت انتَ وچنت بالصدفه ناسي مادخت انتَ ولاانا ابغيابك داخ راسي الموعد الثالث تواعدنه التقينه بْگهوة الشام الشهيره النوفره : عمي ماعدنه مكان ولاكراسي! الموعد االرابع تواعدنه چذب انت رحت اليامدينه؟ وانا خليت الأمل برّه حواسي! الموعد الخامس السادس إنت بيها نْسيت اسمي وانا حد هل يوم ناسي!
	Since 17/01/05.  web counter