|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأحد  10  / 7  / 2016                                   كامل الركابي                        كتابات أخرى للكاتب على موقع الناس
		قصايد من هذا الصيف كامل الركابي (موقع الناس) الغايب الطيرة تعبر نهر تعبر بحر وترد على عشها وانت بالغربة عبرت الدنيه كلها اتنطّرِت كل عمري غايب مو مثل هاي الطيور الغبْره من تعبر نهر تعبر بحر تلفي على عشها اتنطرت وعيوني صارت من وهمها اي خيال ايّمر يغشها ! حالة شما غيَّرِت من دورة زوايا العين انت تشوف نفسك بالمرايه أكثر من اثنين ! تَوَجَّس خيط وجهك ع المرايه من القهر صار خايف لا تصير حتى المرايه أُبَرْ ! النقمة من اشجار مطموره تعرّت من زغرها واغتصبها الفيض بانهاره ونشر خوفه النفط صار، وعليه طافت جثثنه ،اليوم منثوره لحد الشام من البصره للكوفة ! الفكاهة الى الصديق: عبدالمطلب كاظم الفكاهة الوان كل لون واله نغمه من حس الفكاهه الفايضه بروحك حدر نسمه غفيت انت عله صخره الصخره متبسمه! زيران چانت الساعي محلّتنا القديمه بيها زيران وتخاف امي اذا مسّوني يسكنّي الجنون وهمه ماسّوني بس خلوني ارگص وارگص وياهم ليالي وزرعوا بروحي الفنون ! الوحيد هيّ هاي الدار وحشه بطرف غابه وما اظن واصلها من سنين اي ساعي بريد لا تدوِّر عن شبيهي هذا آنه شوفة عيونك وحيد !
	Since 17/01/05.  web counter