|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأربعاء  07  / 1 / 2015                                 حميد الموسوي                                   كتابات أخرى للكاتب على موقع الناس
		الى رفيقي الراحل ناظم أبو أذار حميد الموسوي ودعت هاي الأحبه. ودعت....؟ لو ما رضيت. أدري بيك ما تحب چلمة وداع. وأدري بيك من تسافر ترد ما تبطي إبساع.. شعجب... هاي النوبه عل - الغيبه نويت.. غفله..! شديت الرحال وسافريت. أدري حب الگاع مزروع بوريدك. وأدري روحك للوطن شايلهه بيدك. وأدري عنوانك وفه وطاهر حليبك. وأدري .. أدري. أدري كفيت أووفيت.... بس ما دريتك. ما دريت. ولا خطر لي عله بال. الزمن يوميه حال . والعمر مستعجل وشد الرحال . بهاي أبد..... ما حسبيت . إعذرني يا ناظم سهيت . إرخصني هاي المره أودعك. وانثر إورودي إعله کبرك. أشعل إشموعي إعله گبرك . يلي عل - الفرگه نويت . إرخصني أريد أبچيك وأنته الما بچیت . إنته كل هاي الجروح.. وأبد ما مره شكيت. اليوم أريد أبچيك..... يلي ما بچيت.
	Since 17/01/05.  web counter