| الناس | المقالات | الثقافية | ذكريات | المكتبة | كتّاب الناس |
الخميس 14 / 1 / 2016 حميد الموسوي كتابات أخرى للكاتب على موقع الناس
الوطن عرضوه بسوگ الیانصیب
حميد الموسوي
(موقع الناس)
لا تگلي إشبيك.
حزنان وكئيب!
وأنته تدري بحالة
اليفگد حبيب .
لا تگلي إشبيك ..
تسهر ما تنام .
وأنته تدري بحالة
إليحسب أيام ....
لا تگلي إشبيك .
ما ترضه تبوح .
وأنته تدري الروح
مليانه جروح..
لا تگلي إشبيك ..
غازيك المشيب !
وأنته تدري...
صابنه إلي ما يصيب .!
والحزن خيم وزاد
همومنه ..
ولون الأسود صار
لون هدومنه.
والزغير بها الوكت
أصبح يشيب !
لا تگلي إشبيك ..
يا صاحب بعد ..
وأنته تدري ..
إجروحنه...!
صعبه تطيب
والوطن ذبحوه !!
وما لاگي طبيب !
لا تگلي إشبيك .
لا تنشد بعد ..
بعد ما ينفع هلال ...
ولا صليب .
والوطن عرضوه
بسوگ الیانصیب !!!
كلشي عدنه أصبح
غريب.....!!!!
حتى إسمك يا عراق
أصبح غريب !!