|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
 

     
 

الأحد  10  / 5 / 2015                                 حميد الموسوي                                   كتابات أخرى للكاتب على موقع الناس

 
 

 

من زعلچ بغدادنه

حميد الموسوي
 


من زعلچ بغدادنه
وزعلانه.

من زعلچ ؟
زحمه نشوفچ بالحزن
غرگانه .

وليلچ ظلام وناسچ وي همومهه
سهرانه .

گومي التعب لا یاخذچ...
يا مهره .. يكحيلة وطن
يلما تذل وكت المحن .
زيحي التعب لاتگولین
تعبانه .

حطي إيديچ أبید الشعب
ثوري على من تعبچ
وإعيون ولدچ تحرسچ.
أرواحهم فدوه إلچ .
لا تبقين حيرانه .

نامي بگلوب إلحبتچ
بس ثوري من فدوه إلچ !!
خوفي السهر لا.....ياخذچ
لا تظلین سهرانه .

الباگوچ یا بغدادنه مو من هلچ..
گوه ینسبوهم إلچ
يمته تدوي صرختچ !؟
تدوي بوجه من هدمچ .
گولیهه یا بغدادنه .

غربان سود الحاطتچ..!
غربان من ديرة غرب ...
مو ديرتچ.
گولیهه یا بغدادنه .

وکلمن یحب منذور إلچ .
لا تظلين زعلانه.
هذا الزعل ميلوگ إلچ
لا تظلين زعلانه .





 


 

 

 Since 17/01/05. 
free web counter
web counter