|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الثلاثاء  13 / 12 / 2016                                 حسن حاتم المذكور                                   كتابات أخرى للكاتب على موقع الناس
		الساده يشورون (6) حسن حاتم المذكور (موقع الناس) يا سماحات السماحه الدرب وياكم صعب يا گباحات الگباحه العمر وياكم تعب هذا وطنه وبيتنه .... وانتم غرب .... والغرب قسّموا وتحاصصونه وي الغرب وانته يا هذا الصبي بروح ابوك منين اجيت ..... يا مرجع فتح لك بابنه وطبيت الك جد الفتاهه وهجم بينه البيت تشيل ايدك بوجه الناس ذوله الناس اصل كل ناس اصل اول حرف اول شريعه ودين قوانين وحضاره من الگصب والطين انته منين ؟؟؟ يا جرو الدهر والبين خل ايدك تحت لفة الحضينه ولا تشيل الراس .... غلطتنه ربيت ابيتنه علاس ...... فوگاهه نبوس ايدك تريد انوب لا يابن الحرام من العرج معيوب مثل طبع اليعض مچلوب تعوي بجمعة المنهوب اكلت العافيه وتبشر المغلوب بالجنه بيهه من العسل نهران هريسه معطره بالهيل ثريد ايشد بگايه الحيل حواري الما تنام الليل وبنات زغار وغلمان التكفي وتترس المشوار وسرار التغطي اسرار وحنه الما درينه اشصار بس ندري وكتنه اندار بين العار والسمسار خذوهه الكم وي دفع الرباعي والقصور كبار مفروشه الثنيه بثيل الدولار وندري الي خسر دنياه يرضع من حليب الجوع مغموس بحزن ودموع يمر بلا عمر... بالآخره مفجوع حصته النار ويصدگ بعدهه الجوع ابو الكفار 13 / 12 / 2016
	Since 17/01/05.  web counter