| الناس | المقالات | الثقافية | ذكريات | المكتبة | كتّاب الناس |
الأربعاء 12 / 10 / 2016 حسن حاتم المذكور كتابات أخرى للكاتب على موقع الناس
الساده يشورون
(4)حسن حاتم المذكور
(موقع الناس)
يا ناس بدونه السماحات ومشوا
بگلوبنه كتلوا وطن
لبسَوْ دموع التماسيح وبچوا
غالي العراق ورخصوه
بسوگ ذاك الصوب
باعوه بسعرهم وإنتِچَوا
ذوله بياعة ضمير
ذوله حتى اصواتنه
بسوگ المشايخ رخصوا
نزعوا رفيقات الجهاد
تفصال وي فرهودهم
گدّروا روح الصبايا وعرسوا
وعيونهم على الآخره
تلگط حواري "وخشمك اذنك"
ولو اندار الما نگوله
بحضن المدلل لچوا
ها كثر بالوطن ساده
الجوع ساده
المرض ساده
الجهل ساده
وخضر الزيتوني ساده
ذوله بعثية يزيد
ذوله من شيعة يزيد
ذوله الفساد ابيتنه
ذوله الحرام ابيتنه
وفتّح مكاتب جارنه
للنحچي وما ينحچي
بنص بيتنه
(شين) البعث
صدر(عفو عن سينهم)
(سين) البعث
فجر بروح الوطن تاريخهم
(شينّه) وي (سينهم)
الطره والكتبه دواعش
بصوبهم حللوا دمنه
بصوبنه باگوا المامش
شطوله خلگك يبو اليمه
لا تعلمنه الصبر
احنه سيفك
راح نطبر
لا تعلمنه الصبر
برلين / 10 /2016