عبد الرضا المادح


	محبة ...! عبدالرضا المادح (موقع الناس) بالأمس چنه كلنه صحاب ، مابینه واحد منافق چذاب ..! بس يمر بينه ، ويدك ذاك الباب نفتحله ، و أول سؤال ، عن صحته ، وعن صحة الغياب ..! نسهر .. نسولف .. نغني .. نرفع كاس الأحباب ..! وأبد ما فرقتنه ألوان.. وأديان .. وعشاير وألقاب ..! گلب واحد وما زَعـَّـلنه أبد ، أي عتاب ..! ومن يعثر صديچ ، تهب النشامة تسانده وتدفعله كل حساب ..! وچماله تلومه : ليش ساكت ، ما گلت ، ما خبرت ، ما دزيت أي كتاب ..! ...... ودار الزمن وسفة ..! ودوّر علينه الدولاب ..! وصار الفلس يلمع ..! بعيون الرچيچه ، الما تريد تشوف شمس المحبة ولا تريد تشوف لمّة ذيچه الأصحاب ...! 2020.09.24

Since 17/01/05.

web counter