|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الجمعة  20 / 5  / 2022                                 عبدالرضا المادح                                   كتابات أخرى للكاتب على موقع الناس
		حزن اهوار ... ! مرثية الى شراع السفينة الذي ابحر بعيداً ، الى الثائر مظفر النواب عبدالرضا المادح (موقع الناس) ناحت مرادي الهور واهتزت مشاحيفه وفز صويحب من نومته ، يريد يشيل تابوتك صدگ ياشهم تعوف الدار تاليتك ؟! حزين الهور ينشدلك مواويلك ، وبطگت الفجر على شباچ الفرح غرد بلبل البستان جایب تين يريد يقوي عافيتك ! ولن الوادم الملتمين كلها تصيح مفجوعين ... مفجوعين ... ..... وبساحة التحرير هلهلن اشعار ثوريات تتنطر مراسيلك ، لچن وسفه !! إجانه الخبر بونين ، وهبت تماثيل الجدار تنوح وبحرگه ملتاعين ! وآنه راح انصبلي خيمة حزن ، جوّه النصب و دِگْ گهوة واطحن تتن نرگيله ! " و روحي اعله روحك تنسحن " * وأصفن ... ودندن ...! " حسافه انچفت دلتنه " !! * ..... حمد و الريل صاح بقهر ، وهد الحيل !! شايل خشبة التابوت متراس إعله الجسر للناس توصيتك ، وبدل دخان ريحة هيل تطش فوگ الربع احلام تربيتك ، " وشلون اوصفك وانت دفتر ... يميزان الذهب " * بهوسات تشييعك ؟! وإعْلَ النعش ، حَطّن " زرازير البراري " * " إيشيلن بيرغ الدفنه " * يودعن زلمتنه المعگل "وبنات كحيل ملتمات " * ايردسن بالمشاعر حيل وبهداي سالت دمعة الحلوات على خدود الوطن ، ترچية تلاليلك وجيفارا البطل ينخاك ، تِضل بمناجيل العشگ ، ترسم بساتينك !   2019.11.29 توفي الشاعر الكبير مظفر النواب بتاريخ 20-05-2022 ، القصيدة كتبتُها عام 2019 على أثر خبر كاذب بوفاته.
	Since 17/01/05.  web counter