| الناس | المقالات | الثقافية | ذكريات | المكتبة | كتّاب الناس |
الثلاثاء 29 / 12 / 2015 عباس طريم كتابات أخرى للكاتب على موقع الناس
جوائز قيمة لمن يعرفعباس طريم
(موقع الناس)
من يعرف وطنه يا هو الباكه
ويا هو اليكدر ايعدد
البواكه
وضعن اموالنه الميشيله حته الكون
يا هو الحملاه للخارج
اوساكه
يا هو الخان شعبه الابي الامن بيه
سرق كل الجمال ودمر
اعراكه
ترك شي للشعب للفقره للايتام ؟
لو بالمصري[ما خلاش
اي حاكه]
يا هو المددو موطنه ابو الخيرات
وين اليوجعك , حمسوه
بالكراكه
يا هو اللي اكل كل اللحوم اوداس
عالتمن , ونظف حته
الحكاكه
ويا هو اللي اعياله ابلندن اوبكين
وهو الاسم هوني
ويسكن اهناكه
ويا هو البالخليج ابيخت , والحلوات
يمه , ايغني يم اعيون
حراكه
ويا هو اللي لبد , لمن لفتنه الخيل
ظل ايصيح محتاجين
تفاكه
وطلع بس الشريف الما يعرف ايبوك
تلاكه وي العدو بالمعركه
املاكه
عدنه ارجال عالعيله ابد متنام
ومن اجل الوطن للموت
عشاكه
صدك عدهم عقيده , وصدك عدهم دين
واحدهم قذيفة هاون
اطراكه
الحرامي لا تظن ملكاه ايطيب اجروح
اليطيب الجروح ويسعد
افراكه
هب كل الشعب , والشعب يوم ايكوم
ابو الويو ايعرف , هالكام
خناكه