| الناس | المقالات | الثقافية | ذكريات | المكتبة | كتّاب الناس |
الثلاثاء 12 / 1 / 2016 عباس طريم كتابات أخرى للكاتب على موقع الناس
[عاشرنه الكفر بالغربه اعوام]عباس طريم - اريزونا
(موقع الناس)
عاشرنه الكفر بالغربه اعوام
وشفنه الصدك والجد
بالتعامل
وشفنه الاستقامه وحب الاوطان
وشعب, ميقدر البالعمل
هامل
وشفنه المخلص الهالوطن , محبوب
وما يتقارن باي شخص
خامل
وشفنه احقوق للمرضه المساكين
وللجرحه حقوق
وللارامل
وتقاعد ياخذ اليوصل الخمسين
اذا بطال جان , او جان
عامل
وبيت الكل مواطن صاحب اعيال
حديث, وبيه كل الوصف
كامل
وتذكرنه العراق , وصحنه لجريو
لان تحليله , بيه الخير
يامل
واجاب اجريو : بعد القال والقيل
تهدم كال , والتهديم
شامل
واسباب الهدم , يذكرهه الي اجريو
ويوعزهه الى عدة
عوامل
وجناب اجريو , عالم بالمجرات
استراتيجي وخبير , وما
ايجامل
جريو ايكول : جنت اشتغل بواك
وجنت اضبط حرامي , وروح
زامل
واجونه الساكو اجريو , وابو اجريو
وبنو فلات واقصور
ومعامل
واحدهم ايصيح ابعالي الصوت
شما انكل ابمال الشعب
ما مل
التقيت ابواحد ايسمونه حنتاو
سألته ؟ وكال : ما ابطل
مدام ال
البلد مطعون , اظل انهب بالموال
مدام اجفوفي عندي
وبيهه انامل