آداب
| الأرشيف |
اذار
داود امين
اذار زفة عرس وايامه كلها شموع
تضوي اعلى مر الوكت..تنثر ورد ويضوع
باخر ايامك عسل صار الفرات وحلى
وذب دجلة ثوب الحزن وعيد وغنى وحلى
دنيانه لبست غوى وحطت ازواكه وحلى
من حيث حزبي دوه للكادحين وشفه
منذور بس للشعب كلب ولسان وشفه
طالع كتاب الدهر واسمع حديثه وشفه
تلكه اليعادي الحزب كاضي العمر بوحله
بالناصريه بد ت جلماتك الاولى
يوسف رفع رايتك منها وشمخ طوله
واتحدى منها الظلم جر سيف علدوله
عمال كال وفلح بالكاع مشتوله
تنضح عرك ما يمل جا وين محصوله ؟؟
ودار الزمان ومشت دنيانه مشية فهد
بالموت ما ينتهي اليختار دربك فهد
مجنون ذاك الحلم يهدم بنائك فهد
بنيانه هو وخسر واشتعل غيض وطفه
الحاول ابحرك يغط سيس غريج وطفى
نورك يظل للابد ما هو بصيص وطفه
لن فهد بينه مشى وكل الحزب من فهد