آداب
الأربعاء 9/6/ 2010
عتاب متقاعد
هاشم صياح الحجامي
يبدو إن النحس قد رافق هذه القصيدة أو إن الديمقراطية ليس لها سوى الاسم عدنا فقط ...فقد كتبت هذه القصيدة عندما كان (حاكمنا ) بول بريمر وأرسلتها لعدة صحف فلم تنشر!! وبما إن معاناة المتقاعدين باقية لذا أعيد إرسالها عسى إن تنشر .
كون أعتاب يوصل بول *** واعرف لغة أمريكية
جا كتله اشعجب يا بول *** راتبنه بقيه اشويه
جا كتله اشعجب يا بول *** بس اويانه متعاند
ما عندك أبو ولا خال *** شرطي وهسه متقاعد
ترضه المرض يأكل بيه *** اعلى بساط الفقر كاعد
لو حظنه ألردي خلاك *** قاسي وماكو حنيه
حظنه اسود (يبول ) بهاي *** ندري ونعترف كلنه
فوك الضيم ذاك الراح *** اجيت انته تجملنه!
بروح برايمر يا بول *** جثر ( مني) وزيد ألنه
لو عدكم حرام الثور *** يأكل منه راعيه
عدنه بالعرب يا بول *** هاي ألمثلهَ مشهورة
راعي الثور لا تنساه *** أطعمه من لحم ثوره
وهذا الثور ربيناه *** واحنه جنه ناطوره
اطنه أمبارك الجرعان *** ما لازم جلاويه
ما لازم جلاوي الثور *** من أزمان فاتتنه
للكرشه ندك أطبول *** ونهوس الحصتنه
فرحانين بالعدسات *** والكم صفت نفطتنه
ما طول كلامي آوياك *** خايف تزعل أعلينه
شاهدنه يبول بهاي *** هل هلله بتقاعدنه
ملينه الوعد ونريد *** تصدك من تواعدنه
تعبنه الوكت يابول *** صار استوك واحدنه
خلصان العمر ونريد *** نرتاح بتواليه
كون اعتاب يوصل بول *** واعرف لغة امريكيه
| الأرشيف |