آداب

 

| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

 

 

 

الجمعة 8/1/ 2010

 

بتِّحاد الشعب نبني إعراقنه

جواد القابجي
jwadalkabchi@yahoo.de


بتِّحاد الشعب قوَّه
اتَّحد بيهه المخلصين
إيد بيد امعاضدين        بيهَ تعزيز الإخوَّه

انتخب حُب او تواصل
صير ضد الخايبين
انتخب روح المناضل
حازم اوصارم أمين
رمز راية خالدين          تبقه مثل الشمس حمره

انتخب يعراگي منِّك
حتى حگك ما يضيع
كافي للي خان همَّك
يشتري بيك او يبيع
صير لعراقك أمين         خلّي صوتك للينفعك

انتخب لجل التقدم
لجل مستقبل جميل
اثبت إلهم يا عراقي
صوتك الحر الأصيل
ابصولتك متعلِّمين            صون صوتك انتَ راقي

إنتخب لا طائفيه
خلّي صوتك للشعب
لا تناحر علهويه
اوگف ابوجه الشغب
لاتگول آنه اشعليه
بيك ينعز الطلب
وللوطن انتَ المعين        صيح لا للجاهليه

گوم يبني لختيار
نخبة أحرار اوشريفه
صوّت او أُخذ القرار
للأياديهم نظيفه
حب أهلنه الســــاهرين       بإتّحاد الشعب صار

 








 

free web counter