الأحد 7/2/ 2010

قطار الموت عبد الكريم صالح العامري كتبت للشهيد حسن سريع ورفاقه المنتفضين في معسكر الرشيد شهداء العراق الحالمين بوطن حر وشعب سعيد بعد استشهاد العراق في مجزرة شباط الاسود عام 1963. مع كبير اعتذاري للكبير النواب لتطاولي على ارثه الخالد باجمل اشعاره للريل وحمد. مرينه بيكم حسن واحنه بقطار الموت لابينه بين ضعف لاسكت بينه الصوت ضحينه لجل الشعب سفره العمر ويفوت فوك المشانق عله فِكر الاحبهم ضوه --- آنه أرد احب الوطن ماحب أَنه غيره علمني هذه الشعب طيبه ووفه وغيره ريل السماوه وصل وتلكته الديره فوك المشانق سمى فِكر الاحبهم ضوه --- بشباط اجانه الظلم واثِبتنه عنده سباع والطاغي اسمه اننسه وضلينه ملح الكاع رمز البطوله فهد واحفظنه منه اطباع فوك المشانق ولك صوت الاحبهم دوه --- يابو بيارغ حمر يلشايل الهامات بينه المحبه اكثرت شما كثرن العثرات ياريل بينه عزم واكثر بعد وثبات فوك المشانق عِله صوت الاحبهم دوه --- ياريل ردنه الفرح للفقره كل الناس وازرعنه بيهم امل واحصدنه كل وسواس ياريل عدنه فِكر طول الدهر مقياس فوك المشانق عِله فِكر الاحبهم ضوه 7\2\10 امريكا

 

| الأرشيف |