السبت 3/4/ 2010

كل الحب لآذار المحبّة والسلام جواد القابجي jwadalkabchi@yahoo.de دارميّات آذار گمره اوشمس **** ورياضنه الخضره اطلالة أجمل شهر **** وعياد بي كثره ********** عيد أُمّي بي والحزب **** والناس مبتشره وغنّينه للّي نحب **** لِسواعد السمره القصيدة *********** طل عَلينه الحلو بثيابه الجميله اوخضّرت كل البساتين اوزهت ألوان المحبّه منها لون الانتفاضه اومنها يوم اثمانيه اليزهي جمال اويوم للمرأه العظيمه موش بس شدّة ورد إلها داير دورنه .. شمع او ورد هذا آذار الجميل بيه نوروز العراق التزهي بي أفراحنه او بي ربيع ارواحنه بيه كل عام الحزب يرجع شـــــــــباب اوبي فهدنه .. بيده چاكوچه او يلوح ابمنجله ياهله ابآذار أهلاً يا هله اوطفرت ادموع الفرح تغسل اوجوه الصباحات الجميله اوليله ليله .. الگمر مافارگ ربعنه او نجمه نجمه إلتمّن الحلوات يضونّك وطنّه ياهلا بك .. ياهله ابآذارنه يا هله ابعيد الظفر هله ( ابأوروره ) عراقية جميله زيّنت وجه العراق او نجمه نجمه لتمّن الحلوات غنن للعراق أحله غنّيوات غنن ياعراق

 

| الأرشيف |