الجمعة 3/6/ 2011

جنت أحلم مزاحم الجزائري عندي فكرة .. وآني أحلم , أكظي ليلة وياك خضرة .. مطرزه بماي الكمر , والفرح بلور صافي .. والنده مثل البنفسج , وآني أحلم .. اطبك الشفه على الشفه ... وأحترك وبردك ادفـــه ... وأنطفي وبحضنك اغفه ... نفسي اضمك !! نفسي اشمك !! نفسي اصيح بصوت عالي : آخ صدكني احبك .. أنت يالضيعت عمرك بالغرور , يجي يوم تصير جنبي .. أو مو عجيبة .. هكذا الدنيا تدور *** فرشت روحي على دربك أنتظر بس لحظة منك يلي ماي الكمر خدك يمته أبوسك ؟ يمته أشمك ؟ في حياتي انت بس !! والحديث وياك صدك , نرجس وغافي بهمس .. ماع صبري وياك من ذاك الأمس ... جني أحلم أنت جنبي وآني حاير يا حبيبي : كيف أضمك !! كيف أشمك !! أنت يالضيعت عمرك بالغرور , الآن أنت وياي كلك .. ما أصدك يا حبيبي .. كيف هالدنيا تدور .. *** جنت أحلم .. تخضر أحلامك بدية .. ورود حمره وعصافير ... و النده ينكط أمل ... جنت احلم .. افرش أشعاري عله خصرك .. الراسقي يمطر عطر .. والأغاني تبتسم ماي وعسل يا حبيبي .. دني روحك , مني دنه .. وخلي أيدي تلعب بشعرك الأسود .. يا شقايق صبر خدك , كيف هلعشك يتبدد ؟؟ يا حبيبي : حاير آنه كيف أضمك ؟؟ كيف أشمك ؟؟ نفسي أصيح بصوت عالي : والله صدكني احبك .. أنت يالضيعت عمرك بالغرور الآن أنت وياي كلك .. وآني حاير ما أصدك ؟ كيـــف هالدنية تدور ؟؟ بابل 30/5/2011

 

| الأرشيف |