آداب
بلكي أتوب
قيس السهيلي
شـگـد رِدِتْ أمـسـح خَيالك
ومن غرامـك بلكي أتوب
وشگـد حاسبِتْ روحي عله وصلَك
وشَكبَنت كومة ذِنـوب
وشگـد سامـحتْ وادم ولَـجلك
وإنتَ يا جـاحـد عَـتـوب
مَـ نكـسر گلـبك عَليّه ؟
مـاگِـلت هـذا خَطيّه
او دوم هـايم بالدروب .. من الغرام شلون أتوب
آنه أدري ماكو من عـندك رِجـه
لا مـشاعـر لا دفـو المِـنّك إجـه
صـوچ گلبي إللي لـحضانك لِجـه
گاعـد ابـ بابك ينوح
والحـزن منّـه يفوح
وصبحي صاير بس غروب .. يمته من حُبك أتوب
من الغرام شوكت أتوب
29.09 .2013
لندن
| الأرشيف |