|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الخميس  26 / 5 / 2016                                            آداب                                                                       الأرشيف
		هـيـله قيس السهيلي (موقع الناس) وي نبض الگلب .. إمشي ابراحتچ هيله خلي رنات الحجل .. ليل ايسامر الشيله حافيه .. ابطين الشريعه أحلى صوره .. من الطبيعه يا محله الخصر .. والثوب يا ويله وي نبض الگلب .. إمشي ابراحتچ هيله يا گمرة دنيتي .. او شوگي للديره تلجين من الخجل .. يل وجهچ الليره بلياچ العمر .. شيساوي ي طويره الگلب ذاب .. وعليچ ايذوب إنت حيرتي .. يا كل الذنوب عيوني من السهر .. ما غَـمّضَت ليله وي نبض الگلب .. إمشي ابراحتچ هيله شظل من السوالف .. و الرقه و الإحساس يا زفة عرس .. و معَطّره إبياس أظل ابوحشتي .. لو عاشر الكاس ! وحشه .. يا بعَـد عيني عگبچ .. شِلِي بسنيني تدرين العشگ .. صعبه مواويله وي نبض الگلب .. إمشي ابراحتچ هيله تزعليني و أگولن .. هـاي هـيّه وأخاصم دنيتي .. و أحسب للمنيّه و بعد ساعات .. أشوفچ طيف يبنيّه و ألگه روحي .. بحضانچ إلما غَـيرت .. أبـد عـنوانج حتى لو تِجي .. مِنِچ العَـيله وي نبض الگلب .. إمشي ابراحتچ هيله إمشي ابراحتچ هيله   16.05.2016 لندن
	Since 17/01/05.  web counter