آداب

 

| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

 

 

 

الخميس  26 / 12 / 2013

 

فؤاد يا فؤاد

عبدالكريم صالح العامري

يا فؤاد
الشعب اعزل
وانته اغانيك عتاد
شعلة الحريه خفتت
سكتت اصوات العناد
مانديلا واحمد فؤاد خبو
تظامنت جنك وياهم يا
فؤاد
شكد وعر درب المشيته
وحان تقديم السداد
فرق بين الكبره حفره
وبين مظموم بفؤاد
---
بعده بعازتك شعبك
يا
رسم الوطن يا خارطة بغداد
يا
طلقة امل ومتعب الجلاد
انته تكبيرة غضب
وانته حي عله الجهاد
----
بعدنه بعازة احساسك
يا
فرح موال العرس
يا
ونة احزان الامس
شلون اقنع الكلب يرضه
تسكت انته وينزل النعش بهمس
تسكت انه وترتفع اصوات اشباه الرجال
الركصت وتمدح امس
----
بعدنه بعازتك نجمه
تهدينه لوضاع الدرب
يا
نصب الكرامه الجفل الموت
واعلن عله الظالم حرب
يا
جميل ويا شريف ويا حنين
يا
شط العرب يا طيبة النهرين
يا
بسيط مخجل احروف الرياده
ويا
رمز يتقسم عالوطن
ما
يقبل زياده
---
بعدنه بعازتك دمعه
تلولي بيهه الامهات
لسه منصوبه الجوادر
يا
هو كلك حزني مات
ولسه منصوبه المأتم
يا
لحزن صوتك فرات
يا
هو كلك حزني مات
يا
هو كلك حزني مات


امريكا بنسلفينيا
23\12 \13
 






 

free web counter