آداب
الخميس 24/2/ 2011
والله وسوها الكدعان
عباس العباس - ستوكهولم
والله وسوها الكدعان ما همهم موت وسلطان
كدعان وناموس اليجدح ولد النيل وصاحو افلح
سلاحك فرعون المايصلح ولا امريكا ولا علان
والله وسووها الكدعان
شبان ومحله هل الهبه بيهم زود المابي ردههذا النيل انطاهم مده امل الدنيا منهم بان
والله وسووها الكدعان
محمد من تونس باديها وبناره الثورة هاديهاوشعله للقاصي ودانيها وشعبك نيل العلى الشان
والله وسووها الكدعان
ام الدنيا ولدك نخوة كامومولعبة ومونزوةرئيس ماتبقى بالكوة راحل تارك مصر بامان
والله وسووها الكدعان
كالو شبان وصايعيين متامرين ومدفوعينحانرابيهم هلمايعين ماعرفوا همه البركان
والله وسووها الكدعان
قدموا دمهم فوك الراحه صاحوا تحرير من الساحةتاريخ انتوا وصرتوا وشاحه ونار لكلمن ذل وخان
والله وسووها الكدعان
مصر اولادك صاحوا يكفي شبوا نار اللي ماتطفيغيرة وناموس المايهفي وياهم هب تاريخ وعان
والله وسووها الكدعان
كالوها الشبان وارحل كان لازم تفهم يافطحلواله الرئيس صعب يحلل طلعوا مو صيع يافان
والله وسووها الكدعان
ام الدنيا وذول اولادج دنيا وكلبوها ومن اجلجشربو نخوة مية نيلج هبوا هبوا والكان كان
والله وسووها الكدعان
ولد كنانة الشالوا مشعل ثورة ثورة وطز بليزعلشعب القرر قط مابنذل الف تحية للكدعان
والله وسووها الكدعان
كدعان وسووها ونشهد نريد الثورة تمشي وتمتدلكل ظالم توصل ماتهمد اخذ العبرة يا سلطان
والله وسووها الكدعان
الكم عين الدنيا تبارى وحب هلدنيا الكم جاري
وتاريخ السجل والداري فخر الدنيا لقاصي ودان
والله وسووها الكدعان
اتمنا الدرس وفهموه كل الحكام وعرفوهالهم يوم الماشافوه وميخلصهم حتى الجان
والله وسووها الكدعان
شعب المايملك حرية مايتنفس ميتة الريهناس الثورة هي الحية وتشلع كل حاكم والان
والله وسووها الكدعان
انذار الكم ياحكام تتصورون الناس نيامالناس المظلومة متنام ولاتقبل تصبح خرفان
والله وسووها الكدعان
مزبلة التاريخ تريد كل ارعن ظالم ميفيد
رئيس,حاكم جيب وزيد توسع توسع بالاطنان
والله وسووها الكدعان ماهمهم موت وسلطان
| الأرشيف |