الخميس 24/9/ 2009

شيوعييـــــــن لفته مطير الباني شيوعيين .. من اول جرح شايل طبع ثوار.. حد اخر صليب انطبع نيشانه شيوعيين .. من اول فجر جايب شمس تموز .. حد اخر فقير اليهتف السانه شيوعيين .. عدنه الوطن فوك الراس .. ما ننكر اترابه ونهد بيبانه شيوعيين .. يا دنية انعميتي اشلون .. ياهو اليسكي كاعه بنزف شريانه شيوعيين .. بيهم طبع مثل الماي .. دهله ايفيض من تعتاز نهرانه شيوعيين .. بيهم طبع مثل الكاع .. ما مّلت حمل من ثكل ميزانه شيوعيين .. يا معدن رغم كل فانيات البين .. مابدّل اطباعه وغيّر الوانه شيوعيين .. خاوينه السهر ناطور عاشر ليل .. صفناته الغميجه اتهيظ احزانه شيوعيين .. يا ثوب الشرف يل ما تلطخ عار .. ما لاحه الدنس ويبلل اردانه شيوعيين .. يا موكد ضواه ايدلي المتيهين .. تتوجر ابعالي الريح نيرانه شيوعيين .. يا بيت النضال اشما ترجل حيد ..يتشلبه اعله غيم الوكت بنيانه شيوعيين .. علمنّه الليالي اتغني للسمار .. تشرب كاس منّه وتعزف الحانه شيوعيين .. يا صبر الصبر ياعفة المحروم .. ما بدله جوع ومسح عنوانه شيوعيين .. يا طيب الملح والزاد .. يا شيمه سلفنه وطيب فنجانه شيوعيين .. يا كل القوافي الفززتني بليل .. يابحر الشعر من يحكم اوزانه شيوعيين .. ما دكيت ابد كل باب .. بس بيت الحزب دكيت بيبانه شيوعيين .. مو مداح وقره بحضرة السلطان .. بس طبع اليحبكم هذا ديدانه شيوعيين .. ما مليت درب الكثّر العثرات .. لاروحي ابطويل الدرب تعبانه شيوعيين .. من اولب اصباي وروحي ذابت شوك .. اذا حبكم ذنب تعجبني نيرانه

 

| الأرشيف |