الأثنين 23/5/ 2011

رد مثل ما جان صافي لفته مطير الباني " الى الكلمة الجريئة والقامة التي وقفت كشموخ النخيل ... الى عملاق الشعر مظفر النواب " لا تشيل الغربه بعيونك مذله ... انته صوت الحزن .. بيه موكد جمر لا تشل اجروح ليلك ... كوه كوه اعله الليالي السود ينطر الفجر انته يا جف القضيه ... الما لواه الوجع يوم اشما يمر بيه العمر انته طيف اعيونه الما شافتك بالليل .. بس وكت الظهر يا حمد كل الطوايف .. يا صهيل الخيل .. يا سيد الصبر علمتنه انصير صخره ... اشما وصلهه الروج .. لازم ينكسر بعده بيدك منجل اصويحب يغني ... اشلون تقبل تعتذر موغريبه اعله المناضل يا مواويل التغني الشوك واتكطع السناسل انته يا ريل الدروب ... ابكل محطات السفر ما صحت نازل شلت كل ثكل الصليب ... والصليب اتشرف ابمتن المناضل يا قصايد شوك .. فززت الكطه الحلمان من حدر السنابل مو غريبه اليلزم اسيوف القضيه ... ويكضي كل اسنينه بالغربه يقاتل موغريبه اعله المناضل مو غريبه الما عرف يلبس حرير من البراءه ... و لايدك باب التنازل هذا صوت اسعود فز ... وصوت سعده يهلهل ابطرف المنازل غنت ابعالي الشجر كل البلابل جفك ابيض ... عرضك ابيض .. كل صرايفنه التحبهه اتغني بيك .. وتنحني اكبال المراجل

 

| الأرشيف |