آداب

 

| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

 

 

 

                                                                          الخميس  23 / 1 / 2014

 

"ستار رفعة راس"

قيس السهيلي

لروح الشهيد البطل ستّار خضيّر
الذي إستُشهِدَ في 28.06.1969



اليوم عرس البطل .. ستّار رفعة راس
غَـنَواَ إلـه قدموا .. كليل الورد والياس

ابدرب الشهاده مِـشَه ... صـار ابعلو النَجـمات

إسـمه يغِـيض الـعِـدَه ... هـو عَـدِل مـا مـات

ردي يـدار او هَـلهلي ... دَمَـه ورد شَـدّات


جَـرحه يداوي الجرح

جَـرحه أبد ما طـاب


من شاف جـرح الوطن

رَد ونـزف عل باب


دم الشهيد البطل ... بلسَم إلضيـم الناس
اليوم عـرسك عـرس ... ستّار رفعـة راس


اليوم عرس البطل ... عيد وحزن ثوار
ظل العراق بحيرِته .. او دار تاكل دار
خَـرّبَوا عليه نومِته ... فَـز او بچه ستّار
اگعد يماي النبع
طالت تره الغيبه
ضعنه بضَياع الوطن

اگعد يبو الهيبه
حـتى الگمر حَـن إلك ... دَنگ عَليك او باس
اليـوم عـرسك عـرس ... سـتّار رفـعــة راس


اليوم عـاد الشعـب ... دَفـنَـك بالعـيـــون
ودجله وفرات وهَـلَك .. لَطباعك ايعرفـون
حـلو بحلاة الفكر .. بيك العشگ مجـنون
نسمه وحنين وگلب

هـيمَن يل حديثات
ستّار چلمه وعهد
طيَب يبو الوگـفات
واگف يموت النخل ... ما هَـمه ضرب الفاس
اليـوم عـرس الـبطل ... سـتّار رفـعـة راس


إليوم عـرسك عـرس ... سـتّار يا بو مَي
إنتَ الشمس و الگمر ... وإنتَ الدربنه الضًي
اشكـثر ماتـت ناس ... بس إنتَ منهم حــي

مرخوص يا بـو الجرح
تعتب على الطيبن
وإحنة العَلينه الـوِفـه
بدربك نظل ماشين
ذِكراك عرس العرس ... حنه او ورد للناس
سـتّار عرسك عـرس ... سـتّار رفعـة راس

ستّار رفعة راس


 

 

free web counter