آداب

 

| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

 

 

 

الأحد 21/3/ 2010



المنفى

جواد القابجي
jwadalkabchi@yahoo.de

قصيدتي هذه مهداة الى كل أم عراقية عانت الكثير من قساوة الفراق بسبب الاضطهاد من قبل الأنظمة الفاشستية ضد شعبنا العراقي ..
 

يا امي فارگنه الزمن ليش ابساع ..
يا امي محتاچچ عطش كبر الگاع ..
ياما رويتي اسنينَّه ابدمعاتچ ..
ياحزنچ الماينتهي ..
اگضيتي العمر بس اوداع ..

ياما حويتي اشموعنه او داريتي ..
اومن غدر هذا الزمن ماملليتي ..
ياشمعة المحزون طفاهه الغدر ..
يا آه احرگ .. بعد شلي ابهالصبر ..
فتحت عيني اعله الهجر ..
وفراگج الياذيني ..

يا غربة الماتنحچي ..
يا حسره مديوفه بچي ..يا لهفة المشتاگ ..
من حدر الظلع تچويني ..
سهران كل ليل اليمر ..
ياليل بس غفوه ..
او دهر صحيني ..
بلچن بعد كل هالعمر ..
لحظة حلم ..
راويني ..

يا عين المسهره امنين الأحلام ..
يا مطلب صعب .. يا ثگل ألأيام ..
يا طيف التشوفه اعيون متنام ..
يا امي الحنونه اشما بعدنه ..
كبر حبچ مساحاته ابگلبنه ..

اشما طوولو عن ودنه المسافات ..
انتي اقرب امن الجفن للعين ..
انتي امنياتي ..
انتي كل حياتي ..
انتي ألأمل والروح ..
** انتي اجمل قصيده ابذكرياتي **
 




 

free web counter