آداب

 

| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

 

 

 

الأربعاء 19/8/ 2009

 

نياشين

لفتة مطير الباني

الشيوعيون اكبر من أن يتطاول عليهم الأقزام


أذا دنكت راسك تلبس أوسام                  احنه أجروح شلناهن نياشين
واذا بعض الجفوف أتلطخت عار             بيض اجفوفنه أتظل طول السنين
واذا معدنك زنجر بأول الغيث                 معادنه ابوفاهه أتظل عناوين
ما خذنه ألهوه ورد بينه حدار                 ولاذمنه الوكت بين الدواوين
طبعنه المّا تبدل يوم وندار                    ولاسيّر جدمنه أعله السلاطين
شلنه أعله المتون أهموم الثكال              ولابديّنه دمعه اتفشل العين
أبجرف واحد وكفنه ازماط بزماط            مثل الماي طبعة أمعاشر الطين
وصل بينه الوجع حد كسر العظام            وصبرنه أعله الجمر وسط الزنازين
تحرش بينه جوع الليل مرات                ولكانه أزلام حد الموت صلفين
احنه أول اسم يدخل التاريخ                  مو من باب واحد فتح بابين
زفونه بقطار الموت للموت                  وندري النكرة السلمان ماشين
رسمناهن مناجل كصن العار                 وطلع تموز ثورة من المساجين
النخل لومات وكفه ايضّل على الكاع        رمز يتفاخر أبين البساتين
ولك ندري الغدر من يذبح الزين            شهيد وبالسمه اينور أهلالين
كل كطرة التطيح أتخضر إنسان             ونظل رغم الشدايد دوم باقين
شمس والشمس ما غطتها الغيوم           وسعيد اليسكي كاعه من الشرايين
 

free web counter