آداب
عن العشگ ممتنعه
قيس السهيلي
الى كل سيدة إكتوتْ بنار الحب ولم تحصد منه إلا العذابات
إلمنْ بعد أكتب شِعر .. ظل السمه بلا لَمعه
ياهو الدَره بحالي صدگ .. بس خدي والدمعه
آخ الوكت بينه ركض .. جمعه صفت وي جمعه
يل حَسبِتْ نفس الدرب .. نمشيه سوه ونرجعَه
وينك يخايب ما تجي .. دفّان حبك ودعَه
باقي الشمع من جيتك .. ما ظل نفع بالشمعه
دنياي تمشي بالعكس .. حتى الدُعا ربي بعـد مَيسمعه
وين الورد يل واعدت ؟ شوك إنگلَب وي ربـعه
ظلّيتْ أصرخ يا هوى .. مُر بالگلب مر شِلعه
وخَلها توّج نار العشگ .. وي نارك اهيه مولعه
وصار القلم ما بيه نَفع .. فاهي وتِبَدَلْ طبعه
چان الحچي عنده حچي .. ما ينشبع من نبعه
روحي العليك مسودنه .. روحي إلك بس تِلعَه
عمرك حسبته بس إلي .. او بس إلي و متربعه
عمرك عمر شمعه ولك .. هل خلّصتْ من طَلعه
بَطّلتْ أكتب شِعر .. خاف الگلب بيه رَجعـه
وسَديتْ بابه إكتبتْ .. عن العشگ ممتنعه
عــن العشــگ مِمتنعه03.07.1974
بــغــــــداد
| الأرشيف |