آداب
الأثنين 17/5/ 2010
إشوسع گلبك
سعيد حسين عليوي
أمل مليان يبن إمي ودمع عيني
حبيبي بحبك إچويني
انام بجرفك وأتمنى أحلم دوم
ونغم ايدك يطبطبلي ويدفيني
أنهَ الْماكسرت أمرك
ولا فد يوم عنك غمضت عيني
حبيبي (رفيقي) إشلون ناسيني
أضمك بالجرح من اغفه تالي الليل
اگولن بلچي تشفيني
فريضه انت وبديك الروح مرهونه
تمشيني وتتچيلي وتدليني
تگول اسم الله من أعثر
تذب روحك على الكلفات تحميني
امنتيهْ او تغدر الايام والصعبات
احسك ضوه بتالي النفق تربيني
ومن أزعل عليك بزحمة ألاَهات
تغسل عيوني وبفكرك تضويني
كريم وعطرك إمخيم على الملهوف
إشوسع گلبك
دلمني ويلّله غطيني
يبو الطيبات رسمك عايش ويالروح
بحر بعيونك اتغزل اگر عيني
شگولن من شعر
انت الحرف وكتاب
مزهيه سطورك
خضره تغنيني
عبره وكل وكت تاريخ متجدد
تسولف عن بسالة حزب ترويني
دليل التايه وما يدري وين يروح
تحددله خريطه وبوصله
النبعك توديني
| الأرشيف |