آداب
الأربعاء 16/9/ 2009
ارض السواد
عبدالكريم صالح العامري
كافي يا ارض
السواد
كافي ملينه
السواد
نزعت الوادم
حزنهه
واحنه اعلنه
الحداد
ليش يا ارض
لسواد
نريد فرحه
نريد ضحكه
وعيد
ويهلنه نريد
سمحه
الايد
تجمع اشتاتك
شعبنه
وتجمع اوصالك
وطنه
وخبزه ردناهه
بكرامه
ومثوى بترابك
يظمنه
يا رخصنه بهلمنافي
ورخص امانينه
وطنه
رخصنه لاجلك
واغلى منك ما نريد
نريد بس انريد
يا بغداد ثوره
ودوله حره
اعلام بيض
اعلام حمره
اعلام ما بيهه
سواد
يا الله يا ارض
السواد
يمته يتصافه بمايه
دجله وي ماي
الفرات
ونحصد الموت
الحصدنه
ونزرع الدنيه
حياة
طالت الغربه يروحي
وهم يمر بينه
البراق
ونسري لجنات اهلنه
ونحتضن ارض
العراق
من زاخو لحد الفاو
بشرى وتنتظر كلهه
البلاد
بيان اول
نسمع ينادي
المناد
يمته يا ارض
السواد
صيح بعله الصوت
يا الله يا فؤاد
وحد صفوف الشعب
وحد كلوب العباد
ايد تحضن ايد
وافئده تحضنك فؤاد
يا الله يا ابن
السواد
يا الله يا ابن
السواد
16/9/ 2009
كتبت عام 1999 في الاردن واثناء لقائي بالفنان فؤاد سالم في دمشق اخبرني بعد ثلاثة ايام بانه بدأ بتلحينها ولم اسمع عنها شيئاً لحد الان
| الأرشيف |