آداب
الأربعاء 14/7/ 2010
راية تموز
سعد الشريفي
ستبقى ثورة تموز على مدى التاريخ ناصعه بانجازاتها
وبوجه قائدها الزاهد ..النزيه والشجاع عبد الكريم قاسم .
يالروحك بالعز تتعطر
لاذ الموت بدربك من مرْ
كحلت عيونك بترابك
ولاكَيت الموت ..املاكَة حُر
وغيرك نام ابحفره وعَّفر
***
كل ورده بحبك تتباهه
وبترابك تتحنه وتزهر
حزنن نهرين اعلى غيابك
وحزن الناس الحبك أكثر
بغيابك وكَعت كل رايه
وظلت راية تموز أكبر
***
وجهك مرسوم بكل قريه
وتحلف بيك الناس وتفخر
مامديت ايدك عل الذله
وُسخت جيوبك تتبختر
زاهد والزاهد مايعثر
***
انت ابن الفقره ومن عدهم
خذت الحيل وعاديت الشر
نام الناطور اعلى الكّمره
وبليل الخوف انت التسهر
***
تعله انت وعدوانك تنزل
غلطوا وياك اشكّد غلطوا
وجنت انت العارف والتندل
حبوك الناس ومن حبهم
علوَّك وي اسهيل تلالي
وكل عدوانك طاحت بالذل
يل جفك فاض بكل خيره
للناس محزم وتهلهل
للناس محزم وتهلهل
هولندا
| الأرشيف |